Yurtimiz shaharlari bo‘ylab o‘tkazilayotgan “Trophy Experience” tadbirining 12-kuni Jizzax shahrida ko‘tarinki ruhda o‘tkazildi. Ushbu tadbir muxlislarda ulkan taassurot qoldirdi.

Tadbir davomida Jahon kubogi ommaga taqdim etildi. Ishqibozlar mundial bosh sovrini bilan suratga tushishdi va odatga aylangan viktorina hamda boshqa qiziqarli tanlovlarda ishtirok etib, esdalik sovg‘alarini qo‘lga kiritishdi.

23-avgust kuni tadbir Guliston shahrida o‘tkazilishi rejalashtirilgan.

Eslatib o‘tamiz, ushbu musobaqa chiptalari allaqachon sotuvga chiqarilgan va uni www.futsal2024.uz sayti orqali xarid qilish mumkin.