Oʼzbekiston futbol assosiatsiyasi ishchi guruh xodimlari Fargʼona viloyatidagi barcha tuman va shaharlardagi bajarilishi zarur boʼlgan ishlar hamda mavjud kamchiliklar bilan tanishib chiqdi.

Oʼzbekiston Respublikasi Prezidentining 2019-yil 4-dekabrdagi “Oʼzbekistonda futbolni rivojlantirishni mutlaqo yangi bosqichga olib chiqish chora-tadbirlari toʼgʼrisida”gi farmoni ijrosini ta’minlashga qaratilgan qator tizimli ishlar holati o’rganildi.

Iqtidorli futbolchilarni yetishtirib berish, hududda ushbu sport turini yangi bosqichga olib chiqish hamda bolalar futboli rivojini ta’minlash bo’yicha zarur tavsiyalar berildi. Shuningdek, ushbu hududiy muassasalarga sport inventarlari taqdim etildi.