Oʻzbekiston yoshlar terma jamoasi Saudiya Arabistoniga qarshi oʻrtoqlik uchrashuvlarida ishtirok etish uchun Jiddaga yetib bordi.

Qayd etish kerak, bir qator futbolchilari ayni paytda oʻz klublari safida xorijiy yigʻinda ishtirok etayotganligi sababli terma jamoa ixtiyoriga bir necha kundan soʻng kelib qoʻshiladilar.

Bundan tashqari, legionerlarimiz Umarali Rahmonaliyev va Abduqodir Husanovlar bu galgi yigʻinda ishtirok etolmasligi maʼlum boʻldi. Abubakr Ashurov va Behruz Asqarov esa jarohati sabab mazkur yigʻinni oʻtkazib yuboradi.