Taniqli davlat arbobi, “Mehnat shuhrati”, “El-yurt hurmati” va “Doʻstlik” ordenlari sohibi, bir necha yillar davomida sportimiz, xususan futbolimiz rivojlanishi hamda dunyoda oʻz oʻrniga ega boʻlishida ulkan hissa qoʻshgan shaxs — Mirabror Usmonovning yorqin xotirasini milliy sportimiz jamoatchiligi aslo unutmaydi.

Oʻzbekiston futbol assotsiatsiyasi Mirabror Zufarovich xotirasiga bagʻishlab an‘anaviy xalqaro turnir tashkil etadi. Unda 15 yoshgacha boʻlgan 4 ta jamoa — Oʻzbekiston, Saudiya Arabistoni, BAA va Chernogoriya ishtirok etadi.

Uchrashuvlar 11-15-avgust kunlari poytaxtimiz yashil maydonlarida oʻtkazilishi rejalashtirilgan.