Futzal milliy terma jamoamizdan noxush xabar
Osiyo kubogi oldidan tarkibda yo‘qotish. O‘zbekiston terma jamoasi asosiy darvozaboni Ravshan Eliboyev Qozog‘istonga qarshi bahsda kichik jarohat olgan edi. Tailanddagi tayyorgarlik jarayonida ushbu jarohat darvozabonimizni yana bezovta qildi. O‘tkazilgan chuqur tekshiruvlar natijasida va jamoa shifokorlarining tavsiyasiga ko‘ra Eliboyev ushbu turnirda maydonga tusha olmasligi ma‘lum bo‘ldi.
Osiyo kubogi qaydnomasida uning o‘rnini Sunnatjon Anvarov egallaydi.