Bugun Oʼzbekiston futbol assotsiatsiyasining hakamlik qoʼmitasi yigʼilishi oʼtkazildi. Unda Coca Cola Superligasining 1-turidan oʼrin olgan “Paxtakor” – “Navbahor” uchrashuv hakamligi ham koʼrib chiqildi. Uchrashuv bosh hakami Ilgiz Tantashevning ushbu uchrashuvdagi faoliyati OʼFА hakamlik qoʼmitasi mutaxassislari tomonidan atroflicha oʼrganildi. Buning natijasida bosh hakam tomonidan oʼyin tizgini qoʼldan chiqarilgani va intizomiy qarorlaridagi xatolari sababli 1 oy muddatga Superliga oʼyinlaridan chetlatilib quyi ligaga tushirildi.