2008-yilda tugʻilgan futbolchilar oʻrtasidagi final uchrashuvida Odil Junior jamoasi “Paxtakor” klubining bolalar jamoasiga qarshi maydonga tushdi. Qiziqarli va kurashlar ostida oʻtgan bahsning asosiy boʻlimlarida gʻolib nomi aniqlanmadi, shundan soʻng jamoalar penaltilar seriyasiga murojaat qilishdi. Unda Odil Junior jamoasi gʻalaba qozonib, chempionlikni rasmiylashtirdi.

Odil Junior 1:1 (3:2) Paxtakor

Odil Junior
Paxtakor
Bunyodkor

Taqdirlash marosimida turnir davomida oʻzining iqtidor va isteʼdodini namoyish etib, yorqin oʻyin koʻrsatgan yosh futbolchilar ham eʼtirof etildi:

Eng yaxshi darvozabon — Shahriyor Olimov (Odil Junior)
Eng yaxshi futbolchi — Moʻminxon Bahodirxonov (Odil Junior)
Musobaqa toʻpurari — Abror Shamsiddinov (Paxtakor)

Shuningdek, 16 yoshgacha boʻlgan futbolchilar oʻrtasidagi final uchrashuvi ham qizgʻin oʻtdi. Hal qiluvchi uchrashuvda Toshkent shahar FMM va Odil Junior jamoalari bosh sovrin uchun kurash olib bordilar. Gollarga boy oʻtgan uchrashuvda Odil Junior jamoasi raqiblari darvozasiga 6 ta toʻp kiritib, ishonchli gʻalabani qoʻlga kiritdi.

Toshkent sh. FMM 2:6 Odil Junior

Odil Junior
Toshkent sh. FMM
Andijon FMM

Turnir davomidagi yorqin oʻyinlari uchun quyidagi futbolchilar eʼtirof etildi:

Eng yaxshi darvozabon — Shamshod Muhiddinov (Andijon FMM)
Eng yaxshi futbolchi — Laziz Mirzayev (Odil Junior)
Musobaqa toʻpurari — Laziz Mirzayev (Odil Junior), Abdurahmon Abdullayev (Odil Junior), Ozod Oʻktamov (Toshkent sh. FMM)