Avval xabar berganimizdek, futzal bo’yicha O’zbekiston milliy terma jamoasi o’quv-mashg’ulot yig’ini o’tkazish uchun Ispaniyaga yo’l oldi.
Jahon chempionatiga puxta tayyorgarlik ko’rish maqsadida futzalchilarimiz jahonning yetakchi terma jamoalari bilan bahs olib boradi.
Bugun Madrid shahriga yetib borgan futzal terma jamoamiz kunning ikkinchi yarmida mashg’ulotlarni boshladi. Murabbiylar shtabi asosan tiklanish mashqlariga urg’u berdi.
Eslatib o’tamiz, ertaga Bahodir Ahmedov murabbiyligi ostidagi terma jamoamiz Ispaniya vakillari bilan o’rtoqlik uchrashuvi o’tkazadi.
