Xabaringiz bor, joriy yil 14-sentyabrdan 6-oktyabrga qadar yurtimiz nufuzli xalqaro musobaqa futzal boʻyicha FIFA Jahon chempionatiga mezbonlik qiladi. Musobaqa Toshkent, Buxoro va Andijon shaharlarida boʻlib oʻtadi.

Musobaqada ishtirok etish, tajriba orttirish hamda koʻplab koʻngilochar tadbirlarda ishtirok etish istagidagi koʻngillilar quyidagi havola orqali roʻyxatdan oʻting:

🔗 http://volunteer.fifa.com

Nomzodlarni roʻyxatga olish va saralash jarayonlari joriy yilning 1-iyuliga qadar davom etadi.

Maʼlumot uchun mazkur musobaqada yuzlab koʻngillilar ishtirok etishi rejalashtirilgan. Koʻngillilar musobaqalar oʻtkazish, media, marketing, terma jamoalar bilan ishlash, protokol, tibbiyot, xavfsizlik, IT, akkreditatsiyalash, mehmonlarni kutib olish xizmati, transport va boshqa sohalarda faoliyat olib boradi.