Joriy yilning 5-may kuni Oʻzbekistonda futbolni ommalashtirish yoʻlida olib borilayotgan ishlar bilan yaqindan tanishish hamda mamlakatimizda futbolni yanada rivojlantirishga oid hamkorlik loyihalarini muhokama qilish maqsadida FIFA Prezidenti Janni Infantino boshchiligidagi delegatsiya mamlakatimizga tashrif buyurdi.
FIFA delegatsiyasi bugun — 6-may kuni Oʻzbekiston futbol assotsiatsiyasida boʻldi. Dastlab OʻFAga qarashli maydonda “Grassroost” futbol festivali ishtirokchilari bilan uchrashuv tashkil etildi. Janni Infantino oʻzbek futboli tarixini aks ettiruvchi muzey bilan tanishdi.
