Bugun, 25-noyabr kuni “Sevinch” va “OKMK-W” O‘zbekiston Kubogi finali uchrashuvida o‘zaro to‘qnash keldi. Ushbu bahsda Mehribon Egamberdiyeva, Lyudmila Karachik va Malika Burxanovaning gollari evaziga “Sevinch” yirik hisobda g‘alaba qozonib, O‘zbekiston Kubogini qo‘lga kiritdi. Shuningdek, “Sevinch” 15-bor Ayollar Oliy ligasi g‘olibi bo‘ldi va taqdirlash marosimida har ikki turnirning chempionlik kubogi topshirildi.
Bugun, 1-noyabr kuni “Bunyodkor” stadionida O‘zbekiston ayollar terma jamoasi Parij Olimpiadasi 2-saralash bosqichi doirasida Hindiston terma jamoasiga qarshi bahs olib bordi va 3:0 hisobida g‘alaba qozondi. Dastlab Nilufar Kudratova 2-daqiqadayoq hisobni ochgan bo‘lsa, 50 va 82-daqiqada jamoamiz sardori Lyudmila Karachik raqib jamoa darvozasini ishg‘ol etdi va O‘zbekiston ayollar terma jamoasining g‘alabasini ta’minladi. Shu tariqa, Midori
Bugun, 29-oktyabr kuni “Bunyodkor” stadionida O‘zbekiston ayollar terma jamoasi Parij Olimpiadasi 2-saralash bosqichi doirasida Yaponiya ayollar terma jamoasiga qarshi bahs olib bordi va 0:2 hisobida mag‘lub bo‘ldi. Minami va Remina Chibaning gollari Yaponiya ayollar terma jamoasiga g‘alaba taqdim etdi. Midori Honda boshqaruvidagi terma jamoamiz navbatdagi uchrashuvni 1-noyabr kuni Hindiston ayollar terma jamoasiga qarshi o‘tkazadi.
Bugun, 26-oktyabr kuni “Bunyodkor” stadionida O‘zbekiston ayollar terma jamoasi Parij Olimpiadasi 2-saralash bosqichi doirasida Vyetnam terma jamoasiga qarshi bahs olib bordi va 1:0 hisobida g‘alaba qozondi. Uchrashuvdagi yagona gol 30-daqiqada Diyora Habibullayeva tomonidan kiritildi. Midori Honda boshqaruvidagi terma jamoamiz navbatdagi uchrashuvni 29-oktyabr kuni Yaponiya terma jamoasiga qarshi o‘tkazadi.
15-oktyabr kuni O‘zbekiston ayollar terma jamoasi Toshkent shahrida o‘quv-mashg‘ulot yig‘iniga kirishdi. Midori Honda boshchiligidagi jamoamiz 25-oktyabrga qadar davom etadigan ushbu yig‘in orqali 2024-yilgi Parij Olimpiadasi ikkinchi saralash bosqichiga tayyorgarlik ko‘radi. Eslatib o‘tamiz, “C” guruhi o‘yinlariga Toshkent shahri mezbonlik qiladi va joriy yilning 26-oktyabr – 2-noyabr kunlari O‘zbekiston, Yaponiya, Vyetnam hamda Hindiston ayollar terma jamoalari 3-bosqich