Биласиз, январь ойида Таиланд яшил майдонларида 23 ёшгача бўлган футболчилар ўртасида Осиё чемпионати бўлиб ўтди.
Унда Любинко Друлович бошчилигидаги Ўзбекистон олимпия терма жамоаси иштирок этди ва якунда 4-ўринни эгаллади.
Қитъа чемпионати якунларига бағишлаб эртага, 30 январь куни соат 11:00да ЎФА анжуманлар залида Любинко Друлович иштирокида матбуот анжумани ташкил этилади. Анжуманга барча турдаги ОАВ вакилларини таклиф этамиз. Матбуот анжумани давомида журналистлар олимпия терма жамоаси устозига мусобақа якунлари бўйича ўзларини қизиқтирган саволлар билан мурожаат қилиш имконига эга бўлишади.