Xabaringiz bor, bir necha oydan beri butun dunyoni oʻz domiga tortib borayotgan koronavirus pandemiyasi bizning mamlakatimizda ham qayd etildi.
Shu boisdan ushbu virusga qarshi kurashish maqsadida Oʻzbekistonda “Mehr-shafqat va salomatlik” jamoat fondiga asos solindi. Bir qator saxiy yurtdoshlarimiz tomonidan kelib tushayotgan pullarga karantin zonalari va virusga chalinganlar uchun maxsus shifoxona qurilishiga sarflanmoqda.
Oʻzbekiston davlat jismoniy tarbiya va sport universiteti jamoasi tashabbus bilan chiqib, bir kunlik ish haqlarini koronavirus infeksiyasiga qarshi kurash doirasida tashkil etilgan “Mehr-shafqat va salomatlik” jamoat fondiga oʻtkazib berdilar.
Jismoniy tarbiya va sport vazirligi
Matbuot xizmati