O‘zbekiston milliy terma jamoasi ertaga, 20-mart kuni JCh-2026 saralash bosqichi doirasida Qirg‘iz Respublikasiga qarshi oʻyin oʻtkazadi. Bugun, 19-mart kuni ushbu bahs oldidan jamoalar rasmiylari ishtirokida uchrashuv boʻlib oʻtdi.

Unda OFK tomonidan ishtirokchilarga oʻyinga oid bir qator masalalar, xususan, marketing, tibbiyot va xavfsizlik yoʻnalishlari yuzasidan tushuntirish va eslatmalar berib oʻtildi.

Futbolchilarimiz mazkur bahsda toʻliq oq, darvozabonimiz esa yashil libosda harakat qilishi ma’lum boʻldi.