BARCHA FITNES-TRENAJOR USKUNALARI ISHLAB CHIQARUVCHI TADBIRKORLAR DIQQATIGA!
Oʻzbekiston futbol assotsiatsiyasi “Toshkent viloyati, Yuqori Chirchiq tumani, T.G.Xvan MFY, Maʼnaviyat koʻchasi, 83A-uy manzilda joylashgan O‘FA tizimidagi Milliy futbol markazi tuzilmasidagi Futbol terma jamoalar markazi uchun fitnes-uskunalar to‘plamlarini xarid qilish yuzasidan eng yaxshi takliflarni tanlab olish bo‘yicha tanlov eʼlon qiladi.
Yetkazib berish/xizmat koʻrsatish muddati (vaqti): Oldindan toʻlov amalga oshirilgan yoki akkreditiv ochilgandan soʻng 90 kun ichida.
Mahsulot miqdori: Terma jamoa a’zolarining jismoniy holatini yaxshilash va yuqori darajaga olib chiqish uchun 37 to‘plamdagi maxsus fitnes-uskunalar
Moliyalashtirish manbai: “O‘zbekiston futbolini qo‘llab-quvvatlash jamg‘armasi” mablag‘lari hisobidan.
Daʼvogar sifatida tenderda ishtirok etmoqchi boʻlgan korxonalar va tashkilotlar aylanma mablagʻlari tanlov savdosi predmetining 20 % dan kam boʻlmasligi yoki koʻrsatilgan mablagʻlarni taqdim etish boʻyicha bank kafolati, ishlar (xizmatlar) ni bajarish uchun zarur boʻlgan ishlab chiqarish bazalari, mehnat resurslari va mutaxassislariga, tender obyektiga oʻxshash obyektlarda ishlash boʻyicha ish tajribasi, shartnoma tuzish boʻyicha fuqarolik huquqdorligi va vakolatlariga ega boʻlish zarur.
Tanlash savdolarini o‘tkazish jarayonlari va tartibi haqida qo‘shimcha ma’lumot olish istagida bo‘lgan tanlov ishtirokchilari, buyurtmachi e’lon nashr qilingan sanadan boshlab (haftaning shanba va yakshanba kunlaridan tashqari) har kuni soat 10:00dan 17:00ga qadar buyurtmachiga quyidagi manzil bo‘yicha murojaat qilishlari mumkin:
O‘zbekiston Respublikasi, Toshkent shahar, Shayxontohur tumani, O‘zbekiston ko‘chasi, 98a-uy. Tel.: +998 71 230-90-42 (90-51). e-mail: uzb@the-afc.com.
Shuningdek, mazkur eʼlonga ushbu tovarlarning texnik parametrlari va tanlash hujjatlari ilova qilinadi.