Farruh Zokirov boshqaruvidagi O‘zbekiston ayollar futzal terma jamoasi yanvar oyida 2025-yilgi ayollar futzali bo‘yicha Osiyo kubogi saralash bahslarida ishtirok etishidan xabaringiz bor.

Jamoamiz joy olgan “C” guruhi bahslari joriy yilning 11–19-yanvar kunlari Toshkent shahridagi “Yunusobod” sport majmuasida o‘tkaziladi. Saralash natijalariga ko‘ra, to‘rt guruhda dastlabki ikki o‘rinni egallagan jamoalar va eng yaxshi bitta 3-o‘rin sohibi 2025-yilning 7–18-may kunlari Xitoyda o‘tkaziladigan qit’a musobaqasining final bosqichiga yo‘l oladi. O‘zbekiston ayollar futzal terma jamoasi saralash bosqichidagi ishtirokini 2-turdan boshlaydi.

2-tur
13-yanvar | 15:00
Filippin — O‘zbekiston

3-tur
15-yanvar | 18:00
Oʻzbekiston — Kuvayt

4-tur
17-yanvar | 18:00
Avstraliya — Oʻzbekiston

5-tur
19-yanvar | 18:00
Oʻzbekiston — Turkmaniston

Ma’lumot o‘rnida, futzal bo‘yicha ayollar Osiyo kubogida dastlabki uch o‘rinni egallagan jamoalar 2025-yilning noyabr – dekabr oylarida tarixda ilk bor tashkil etilayotgan futzal bo‘yicha FIFA ayollar Jahon chempionatida ishtirok etish huquqini qo‘lga kiritadi.