Pnevmatik va stenddan oʼq otish boʼyicha terma jamoamiz aʼzolari karantin davrida uy sharoitidagi mashgʼulotlarni davom ettirishmoqda. Merganlarimiz mashgʼulot davomida asosan oʼq otish paytidagi yurak urishi bilan bogʼliq vaziyatni nazorat qilish ustida ishlashyapti. Sportchilarimiz trenajyor zali va tosh koʼtarish mashgʼulotlari bilan jismoniy tayyorgarlikni ham bir maromda olib borishmoqda. Oʼq otish sportida asab tizimi va tana muvozanatini bir maromda ushlash, qurollarni musobaqaga toʼgʼri tayyorlash ham muhim ahamiyat kasb etadi. Shu bois sportchilarimiz mazkur jihatlar boʼyicha ham bazaviy mahoratlarini oshirib borishmoqda. Аsosiysi, murabbiylarimiz yuqorida keltirib oʼtilgan jihatlar boʼyicha kunlik mashgʼulotlarni oʼz dasturlari asosida nazorat qilib borishmoqda.
Milliy olimpiya qoʼmitasi
Olympic.uz