Davlat xavfsizlik xizmati tashabbusi bilan uchinchi yildirki respublikamizning barcha tuman, shahar va viloyatlari kesimida yoshlar o’rtasida futbol va mini-futbol musobaqalar yuqori saviyada tashkil etib kelinmoqda.

DXX kubogi musobaqalari uch bosqichdan iborat. Ushbu mavsum dastlabki ikki bosqichda (tuman-shahar hamda Qoraqalpog’iston Respublikasi, Toshkent shahri va viloyatlar) bo’yicha umumiy 208 ta tuman-shaharlardagi 20 311 ta jamoa ishtirok etdi va 254 848 nafar yoshlar qamrab olindi.

Musobaqaning viloyat bosqichi yakuni bo’yicha 365 nafar iqtidorli yoshlar aniqlangan bo’lib, hozirda ularni mahalliy futbol klublariga jalb etilishi kutilmoqda. E‘tiborli tomoni, bu yilgi musobaqalardan qizlar o‘rtasidagi mini-futbol turniri ham joy oldi.

Bugun poytaxtimizda ishtirokchi jamoalar vakillari, tashkilotchilar hamda futbol mutasaddilari ishtirokida Respublika bosqichiga qur‘a tshlash marosimi bo‘lib o‘tdi. Har bir yo‘nalish bo‘yicha 14 tadan jamoa guruhlarga bo‘lindi. Futbol va mini-futbol bo‘yicha guruh va final uchrashuvlari “Bunyodkor” futbol akademiyasiga qarashli sun’iy qoplamali maydonlarda, futbol bo‘yicha final bellashuvi esa “JAR” stadionida o‘tkaziladi.