Xabaringiz bor, shu kunlarda nogiron-amputantlar oʻrtasida futbol boʻyicha Oʻzbekiston chempionatining bahslari oʻtkazildi. Unda yurtimizning turli hududlaridan kelgan 7 ta jamoa gʻoliblik uchun kurash olib bordi.

Turnirning yakuniy jadvalida Toshkentning “Matonat” jamoasi birinchilikni qoʻlga kiritdi. “Baynalminal” (Toshkent) hamda Jizzax viloyati jamoasi esa kuchli uchlikdan joy oldi.

Musobaqaning yopilish hamda gʻolib va sovrindorlarni taqdirlash marosimida OʻFA birinchi vitse-prezidenti Ravshan Ermatov, Bosh kotib Avaz Maksumov, musobaqa tashkilotchisi va bosh shifokori Rustam Mehmanov, shuningdek, faxriylar, futbol jamoatchiligi va OAV vakillari ishtirok etishdi. Turnirning gʻolib va sovrindorlarga esdalik sovgʻalari topshirildi.