OʻFA birinchi vitse-prezidenti, FIFA Futbol texnologiyalari, innovatsiyalar va raqamli rivojlanish qoʻmitasi raisi oʻrinbosari Ravshan Irmatov mazkur qoʻmitaning ilk yigʻilishida ishtirok etdi.
Shuningdek, OʻFA bosh kotibi Avaz Maksumov FIFA Sohil futboli qoʻmitasi, OʻFA ayollar futbolini rivojlantirish boʻlimi boshligʻi Yuliya Panina ayollar terma jamoalari musobaqalarini oʻtkazish qoʻmitasi yigʻilishidan oʻrin olgan konstruktiv uchrashuvlarda ishtirok etishdi.
Kunning ikkinchi yarmida FIFA tomonidan rasmiy tadbir tashkil etilib, 2025-yilning eng yaxshi futbolchi va murabbiyi taqdirlandi.
FIFA tadbirlari doirasida qoʻmita a’zolari Qatarda boʻlib oʻtadigan Qitʼalararo kubok final uchrashuvi — PSJ hamda “Flamengo” bahsi va “Arab Cup” musobaqasining finalidan oʻrin olgan Marokash — Iordaniya terma jamoalari oʻrtasidagi uchrashuvni kuzatib borishadi.