Oʻzbekiston futbol assotsiatsiyasida o‘tkazilgan UEFA va OFKning 2024–2027-yillarda ayollar futbolini rivojlantirish dasturiga bagʻishlangan uch kunlik seminar yakunlandi.

Seminarning so‘nggi kunida yurtimizda ayollar futboliga e’tiborni yanada oshirish va har jihatdan mukammal tizimga aylantirishga doir bir qator muhim masalalar muhokama qilindi.

Turli yoshdagi terma jamoalarimizning FIFA va OFK turnirlaridagi doimiy ishtirok etuvchi jamoalar darajasiga ko‘tarishda klublar ishtirokidagi turnirlarning ahamiyati, ayollar futbolini rivojlantirish uchun maqsadli investitsiya kiritish hamda teletranslyatsiyalar va ijtimoiy tarmoqlarning roli, ommaviy futbol va maktablarda tashkil etiluvchi to‘garaklar faoliyatini yanada takomillashtirish, ayollar futbolida tomoshabinlar sonini yanada oshirish istiqbollari yuzasidan fikr almashildi.