Bugun Oʻzbekiston futbol assotsiatsiyasida FIFA tomonidan belgilangan futbol agentlari uchun birinchi imtihon boʻlib oʻtdi.

FIFAning “Futbol agentlari faoliyati toʻgʻrisida”gi reglamenti Ilovasiga koʻra, talabgorlarga 20 ta test ustida ishlashlari uchun 1 soat vaqt taqdim etildi.

Maʼlumot oʻrnida, mazkur topshiriqlarning 75 foiziga toʻgʻri javob yoʻllagan nomzodlar FIFA agenti litsenziyasini qoʻlga kiritishlari mumkin boʻladi. Imtihonidan muvaffaqiyatli oʻtgan talabgorlar kelgusida milliy va xalqaro darajada futbol agenti faoliyati bilan shugʻullanish imkoniyatga ega boʻlishadi.