Barchamizga maʼlumki, Oʻzbekiston soʻnggi yillarda qitʼa miqyosidagi yirik turnirlarga mezbonlik qilib kelmoqda va oʻz navbatida mazkur xalqaro musobaqalar orqali oʻzbekistonlik futbol mutaxassislarining koʻnikma va malakalari oʻsib bormoqda.

Qatarda oʻtadigan Osiyo kubogi musobaqasida Osiyo futbol konfederatsiyasi delegatsiyasi tarkibida faoliyat olib borish maqsadida Oʻzbekiston futbol assotsiatsiyasining bir qator mutaxassislari chaqiruv oldi. Xususan:

Musobaqalar va tadbirlar oʻtkazish boʻlimi boshligʻi Muhammad Sodiq Sodiq-Oxunov — Musobaqa bosh ofisida akkreditatsiyadan oʻtkazish boʻyicha koordinator;

Musobaqalar va tadbirlar oʻtkazish boʻlimi boshligʻi oʻrinbosari Yoqubjon Soxibov — “Jassim bin Hamad” stadionida marketing masalalari boʻyicha menejer;

Musobaqalar va tadbirlar oʻtkazish boʻlimi mutaxassisi Sanjar Haydarov — stadionlarda axborot-koʻngilochar tizimi koordinatori;

Marketing va media boʻlimi mutaxassisi Islom Roʻziyev — OFK rasmiy fotosuratchisi sifatida faoliyat olib boradi.