U-23 Осиё чемпионати 3-ўрин учун учрашуви – Австралия – Ўзбекистон қарама-қаршилиги олдидан матбуот анжумани бўлиб ўтди.
– Эртага бизни жуда муҳим учрашув кутиб турганини яхши англаб турибмиз. Осон ўйин бўлмайди. Австралия – анча жиддий рақиб. Рақиб таркибида бир қатор тажрибали ва маҳоратли ўйинчилар бор. Рақиб тактикаларини кузатиб чиқдик. Улар асосан 4-4-2 тактика асосида ўйнайди. Эртага бор максимумизни ишга соламиз. Зеро, бўлажак баҳс ўзбек мухлислари ва халқи учун муҳимлигини тушуниб турибмиз. Умид қиламизки, Олимпия ўйинларига йўлланма олишни уддалаймиз, – деди мураббий.
– Саудия билан ўйиндан кейин, аввало, руҳий жиҳатдан, кейин жисмоний жиҳатдан ўзимизга келиб олишимиз керак эди. Энди Австралиядек кучли рақибни мағлуб этиб, Олимпия ўйинлари йўлланмасини қўлга киритишимиз керак. Бунинг учун боримизни берамиз, – деди Исломжон Қобилов.
– Мотивация ўйиндан олдин жуда муҳи. Саудия билан ўйиндан кейин Токио-2020 учун бизда яна бир имкон бор. Йигитларим ҳам эртангги баҳсда ғалаба қозониш қанчалик муҳим эканлигини тушуниб туришибди. Биз ҳам бор кучимизга ишга солсак, мақсадимизга йета оламиз, – деди Друлович.
– Ҳар икки жамоада ҳам имконият 50/50. Бизда яхши ўйинчилар бор. Мен уларнинг имкониятига ишонаман. Ўтган ўйинда ҳам ғалаба учун анча яқин келдик. Лекин вазиятлардан фойдаланишда камчиликларга йўл қўйилди. Унгача ҳар бир баҳсда гол ураётган эдик. Энди эртага шу камчиликларни қайтармасликка ҳаракат қиламиз, – деди Друлович.
– Мураббийимиз айтиб ўтганидек, ўйиндан аввал ҳар икки жамоада имконият бир хил бўлади. Энг охирги ўйинларга қарайдиган бўлсак, Баҳрайнда ўтган U-19 Осиё чемпионатида биз Австралияни 3:2 ҳисобида мағлуб этганмиз. Менимча, учинчи ўрин учун кечадиган баҳс финалдан ҳам муҳимроқ. Бу турнирга жамоалар Олимпиада йўлланмаси учун келишади. Биз Токио йўлланмаси учун курашамиз, – Исломжон Қобилов.
– Ҳозир нафақат Достон, балки ҳамма ўйинга тайёр. Аввало, биз ўзимизга ишонишимиз керак. Жамоадагилар бир-бирига ишониб, бир-бирини қўллаб майдонда ҳаракат қилса, биз, албатта, мақсада ета оламиз. Мен йигитларимнинг салоҳиятига ишонаман, – дея таъкидлади бош мураббий.
