Осиё кубоги-2022 саралаш баҳсларига тайёргарлик кўраётган Ўзбекистон аёллар миллий терма жамоаси Олмалиқдаги ўқув-машғулот йиғинини давом эттирмоқда.
Бугун Баҳром Норсафаров шогирдлари ОКМК стадионида Ҳиндистон вакилларига қарши ўртоқлик учрашуви ўтказди.
Aёллар миллий терма жамоамизнинг яққол устунлигида ўтган баҳсда Ҳиндистон жамоаси 1-0 ҳисобида мағлуб этилди. Бир нечта қулай имкониятлардан фойдаланишда вакилларимизга омад кулиб боқмади. Бироқ ўйиннинг 87-дақиқасида Мафтуна Шойимова жарима зарбасидан рақиб дарвозасини қойилмақом тарзда ишғол этди ва ушбу гол вакилларимизга ғалаба тақдим этди.
Халқаро ўртоқлик учрашуви
5 апрель, 2021 | ОКМК стадиони, Олмалиқ
Ўзбекистон 1-0 Ҳиндистон
Гол: Мафтуна Шойимова 87′