Осиё Футбол Конфедерацияси футзал бўйича Осиё чемпионати, ўсмирлар ўртасидаги Осиё чемпионати ҳамда ОЧЛ баҳслари ўтказилиш саналарига ўзгартириш киритилиши бўйича маълум қилди.

Унга кўра, катталар ўртасидаги футзал бўйича Осиё чемпионати 4-15 ноябрь кунлари Туркманистонда бўлиб ўтиши режалаштирилмоқда.

Шунингдек, Баҳрайнда ўтказиладиган U16 Осиё чемпионати еса 25-ноябрь – 12 декабрь кунларига кўчирилади.

Бундан ташқари, Осиё чемпионлар лигаси Ғарб минтақасидаги гуруҳ босқичи ва плей-офф баҳслари марказлашган форматда сентябрь ойида ўтказилади. Ушбу учрашувларга мезбонлик қиладиган мамлакат номи кейинроқ эълон қилиниши кўзда тутилган.

Ўзбекистон мезбонлик қиладиган U19 Осиё чемпионати аввалдан белгиланганидек 14-31 октябрь кунлари бўлиб ўтиши режа қилинган.

Ўз навбатида, клублар ўртасидаги футзал бўйича Осиё чемпионати санасига ҳам ўзгартириш киритилмаган ва ушбу турнир БAAда 2-13 декабрь ташкил этилади.

Футзал бўйича Осиё чемпионати
4-15 ноябрь | Туркманистон

U16 Осиё чемпионати
25-ноябрь – 12-декабрь | Баҳрайн

Осиё чемпионлар лигаси
сентябрь | гуруҳ ва плей-офф босқичи
2-3 ноябрь | чорак финал босқичи
24-ноябрь | ярим финал босқичи
5-декабрь | финал

U19 Осиё чемпионати
14-31 октябрь | Ўзбекистон

Клублар ўртасидаги футзал бўйича Осиё чемпионати
2-13 декабр | БAA

*Юқорида эълон қилинган саналар ОФКнинг тегишли қўмиталарининг якуний қўшма қарорига мувофиқ ёки минтақадаги эпидемиологик вазиятдан келиб чиққан ҳолда ўзгартирилиши мумкин.