Bilasiz, Oʼzbekiston futbol assotsiatsiyasi tomonidan muntazam ravishda trenerlar tayyorlash va ularning malakasini oshirish boʼyicha OFKning maxsus kurslari oʼtkazib kelinadi.
Bu borada olib borilayotgan ishlar samarasi oʼlaroq Oʼzbekiston futbol assotsiatsiyasi texnik direktori Shovkat Imamov qitʼa futbol uyushmasining Trenerlik konventsiyasi boʼyicha maxsus tekshiruv komissiyasi tarkibiga kiritilgan edi.
Аyni kunlarda mazkur konventsiya boʼyicha maxsus tekshiruv komissiyasi Qirgʼizistonda boʼldi va qoʼshni mamlakat futbol ittifoqi tomonidan oʼtkaziladigan trenerlar taʼlimi boʼyicha kurslar, bu borada olib borilayotgan ish jarayonini tekshirib, baholadi.