Timur Kapadze boshchiligidagi U19 O’zbekiston terma jamoasi 22-iyundan 3-iyulga qadar o’quv mashg’ulot yig’ini o’tkazadi. Murabbiylar shtabi Toshkent shahrida o’tadigan navbatdagi yig’inga 24 nafar futbolchini jalb etgan. Murabbiylar Denis Korostichenko, Sergey Chigodayev, Timur Ganiyev hamda Server Jeparov Timur Kapadzega ko’maklashib boradi. Eslatib o’tamiz, kecha O’zbekistonda mezbonlik qiladigan U19 Osiyo chempionati uchun qur’a tashlash marosimi bo’lib o’tdi. 

Batafsil

Hozirgina U19 Osiyo chempionati uchun qur’a tashlash marosimi bo’lib o’tdi. Qur’a natijalariga ko’ra, U19 O’zbekiston Indoneziya, Kambodja va Eron jamoalari bilan birgalikda A guruhidan joy oldi. Mazkur marosimdan so’ng, U19 O’zbekiston terma jamoasi bosh murabbiyi Timur Kapadze qur’a natijalari bo’yicha o’z fikrlarini bildirib o’tdi.

O’zbekiston U19 terma jamoasi Toshkentda o’tayotgan o’quv-mashg’ulot yig’ini doirasida Birinchi liga klubi bilan nazorat uchrashuvi o’tkazdi. Timur Kapadze murabbiyligi ostidagi terma jamoamiz “Chig’atoy” bazasida Toshkentning “Neftgazmontaj” klubiga qarshi maydonga chiqdi. Asliddin Toshtemirov tomonidan kiritilgan yagona gol yakunda O’zbekiston U19 vakillariga g’alaba olib keldi. O’zbekiston U19 1-0 “Neftgazmontaj” Gol: Asliddin Toshtemirov

Yurtimizda o’tadigan Osiyo chempionatiga hozirlik ko’rayotgan U19 O’zbekiston Toshkentda o’quv-mashg’ulot yig’inini o’tkazmoqda. 5-iyunda start olgan “Chig’atoy” bazasidagi ushbu yig’inga 23 nafar futbolchi jalb etilgan. Bosh murabbiy Timur Kapadze U19 O’zbekiston terma jamoasining tayyorgarlik jarayoni va oldindagi rejalari haqida o’z fikrlari bilan o’rtoqlashdi.