Ўзбекистон U-19 аёллар терма жамоаси назорат ўйинида ғалаба қозонди

  • ЎФА
  • 16-04-2019
  • 278
Ўзбекистон U-19 аёллар терма жамоаси шу йилнинг 26-30 апрель кунлари Мьянма давлатида бўлиб ўтадиган Осиё чемпионати саралашида қатнашиши ҳақида хабар бериб ўтгандик.

Мана шу мусобақага тайёргарлик кўриш мақсадида Карима Йўлдошева шогирдлари Тошкентдаги "Чиғатой" спорт базасида йиғин ўтказишмоқда. Кеча терма жамоамиз қизлари йиғин доирасида 2006 йилда туғилган ўғил болалардан иборат "Чиғатой" жамоасига қарши майдонга тушишди.

Учрашув 3:1 ҳисобида Ўзбекистон U-19 аёллар терма жамоаси фойдасига якунланди. Терма жамоамиз сафида Мадина Ҳикматова дубль муаллифига айланган бўлса, яна битта голни Лайло Шодиева киритди.

Эртага Карима Йўлдошева шогирдлари "Чиғатой-2005" жамоасига қарши назорат ўйини ўтказишади.

Эслатиб ўтамиз, терма жамоамиз Осиё чемпионати саралашида Австралия, Мьянма ва Непал терма жамоаларига қарши баҳс олиб боришади. Гуруҳда биринчи ва иккинчи ўринни эгаллаган жамоалар Осиё чемпионати йўлланмасини қўлга киритишади. 
Обуна бўлинг: Telegram kanalimiz: @FAUzbekistan