Ўзбекистон МТЖ Брисбен шаҳридаги дастлабки машғулотни ўтказди

  • Терма жамоалар
  • 13-11-2018
  • 377
Эктор Купер бошчилигидаги Ўзбекистон миллий терма жамоаси аъзолари бугун Брисбен шаҳрига етиб келишгани ҳақида аввал хабар бериб ўтгандик. Футболчилар меҳмонхонада бир оз ҳордиқ чиқаришганидан кейин дастлабки машғулотни ўтказиш учун "SBUS Super Stadium" ўйингоҳига йўл олишди.

Терма жамоа аъзолари узоқ вақт парвоздан сўнг Австралияга етиб келишгани туфайли бугун асосан енгил машғулотлар олиб боришди. Кўпроқ тўп билан ишлашди. Бош мураббий Эктор Купернинг ўзи ҳам машғулотларда фаол қатнашганини алоҳида таъкидлаб ўтиш керак. Дарвозабонлар билан эса одатдагидек Денис Иванков шуғулланди. 

15 ноябрь куни Ўзбекистон миллий терма жамоасининг Ливанга қарши ўртоқлик ўйини Брисбен вақти билан соат 20:00да бошланди. Тошкентда эса бу вақтда соат 15:00 бўлади.


ЎФА расмий сайти орқали ушбу ўйин тафсилотлари ёритиб борилади.






 
Обуна бўлинг: Telegram kanalimiz: @FAUzbekistan