Ўзбекистон Республикаси Президентининг “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармонига мувофиқ Ўзбекистон футбол ассоциацияси бир қатор тадбирлар ва мусобақаларни ташкил этиб келмоқда.

Ҳусусан, бугун ЎФA ва Ўзбекистон Миллий олимпия қўмитаси ходимлари ўртасида дўстона муҳитни мустаҳкамлаш, соғлом турмуш тарзини тарғиб қилиш, ишчи ходимларнинг жисмоний ривожланиши орқали меҳнат унумдорлиги ва самарали иш фаолиятига эришиш мақсадида футбол бўйича ўртоқлик ўйини ўтказилди.

Тошкент темирйўл муҳандислари институти майдонида бўлиб ўтган ушбу баҳсда 3-3 ҳисобидаги дуранг натижа қайд этилди.